ამსტერდამში, კორონავირუსთან დაკავშირებით დაწესებული შეზღუდვების წინააღმდეგ გამარულ არასანქცირებულ საპროტესტო აქციაზე პოლიციამ 150-ზე მეტი ადამიანი დააკავა. ადგილობრივი მედიის ინფორმაციით, აქციის დასაშლელად სამართალდამცავებმა წყლის ჭავლი გამოიყენეს.
მათი განმარტებით, აქციის მონაწილეები საზოგადოებრივ წესრიგს არღვევდნენ და არ დაემორჩილნენ პოლიციის მოთხოვნას, რომ ტერიტორია დაეტოვებინათ.
პანდემიასთან დაკავშირებული შეზღუდვების წინააღმდეგ საპროტესტო აქცია ნიდერლანდების დედაქალაქში 20 მარტსაც გაიმართა და პოლიციამ 58 ადამიანი დააკავა, თუმცა მოგვიანებით ყველა მათგანი გაათავისუფლა. ნიდერლანდების დედაქალაქში საპროტესტო აქციები იანვრის ბოლოდან, ე.წ. „ღამის კომენდანტის საათის“ დაწესების შემდეგ, ხშირად იმართება.