ურსულა ფონ დერ ლაიენის განცხადებით, ევროკავშირი განვითარებად ქვეყნებს ვაქცინებით ჯერჯერობით ვერ დაეხმარება

ევროკავშირი მზად არ არის, რომ კოვიდ-19-ის საწინააღმდეგო ვაქცინები განვითარებად ქვეყნებს გაუნაწილოს, – „დოიჩე ველეს“ ინფორმაციით, შესაბამისი განცხადება ევროკომისიის პრეზიდენტმა, ურსულა ფონ დერ ლაიენმა განაცხადა.

მისი თქმით, ბლოკი ვაქცინებს სხვა ქვეყნებს მანამ არ გაუნაწილებს, სანამ ევროკავშირში ვაქცინების წარმოების კუთხით მდგომარეობა არ გაუმჯობესდება.

„წევრი ქვეყნები საკმაოდ დიდ წნეხს განიცდიან იმისთვის, რომ თავად მიიღონ ვაქცინა“, - აღნიშნა ევროკომისიის პრეზიდენტმა.

ამასთან, ურსულა ფონ დერ ლაიენმა ხაზი გაუსვა, რომ ევროკავშირი გააგრძელებს ჯანდაცვის მსოფლიო ორგანიზაციის „კოვაქსის“ ინიციატივის მხარდაჭერას, რომლის მიზანია, ხელი შეუწყოს იმას, რომ განვითარებადი ქვეყნებისთვის ვაქცინების ხელმისაწვდომი იყოს.

„ევროკავშირმა ამ ინიციატივაში 2.2 მილიარდი ევროს ინვესტიცია განახორციელა. „კოვაქსმა“ 52 ქვეყანას ვაქცინის 30 მილიონი დოზა უკვე მიაწოდა,” - აღნიშნა ევროკომისიის ხელმძღვანელმა.

გიორგი ბილანიშვილი - სამწუხაროდ, ხელისუფლებას, რომელსაც განსაკუთრებული პასუხისმგებლობა ეკისრება ქვეყნის უსაფრთხოებაზე და მომავალზე, არ გააჩნია ფართო ხედვა და ვერ ახერხებს საერთაშორისო მოვლენების განვითარების სწორად აღქმასა და გააზრებას
ქართული პრესის მიმოხილვა 16.05.2022
ლევან ცუცქირიძე - საქართველოში აუცილებელია პოლარიზაციის დასრულება, რომლის მნიშვნელოვანი ნაწილია მიხეილ სააკაშვილთან დაკავშირებულ რთულ საკითხზე შეთანხმება
კავკასიაში პირველი ციფრული ლოგისტიკის მენეჯმენტის ერთობლივი სამაგისტრო პროგრამა - კავკასიის უნივერსიტეტისა და TH Wildau-ის პარტნიორობის პერსპექტივები
"ლიბერთიმ" -,,გაზარდე შენი ბიზნესი“ კამპანიის ფარგლებში აგრო და ბიზნესის წარმომადგენლებთან შეხვედრები დაიწყო