დროა თითოეული რუსთაველი გავხდეთ ეკო მოხალისე, გვინდა, ახალგაზრდებში, მომავალ თაობაში, ეკოლოგიის პოპულარიზაცია მოვახდინოთ”,- ამის შესახებ რუსთავის მაჟორიტარმა დეპუტატმა ნინო ლაცაბიძემ განაცხადა.
როგორც ნინო ლაცაბიძე აცხადებს, ეკოლოგიასა და ბუნებაზე ზრუნვა ყველას ვალდებულებაა.
„დროა თითოეული რუსთაველი გავხდეთ ეკო მოხალისე, ჩვენ დავაფუძნეთ ,,ეკო-კლუბი“, რომლის მიზანია ახალგაზრდების გაერთიანება, ქალაქის ეკოლოგიაზე ერთად ზრუნვა. არამარტო ახალგაზრდების, ყველას, ვისაც გაწევრიანების სურვილი აქვს თავისუფლად შეუძლია შემოუერთდეს ამ პლატფორმას, გავერთიანდეთ როგორც ,,ეკო-მეგობარი“ და,,ეკო მოხალისე“, ვინაიდან ეკოლოგიასა და ბუნებაზე ზრუნვა ჩვენი ყველას ვალდებულებაა. ჩვენ გახსნით პრეზენტაციაზე მოვიწვიეთ საქართველოს პარლამენტის თავმჯდომარე არჩილ თალაკვაძე, რომელიც ,,ეკო მეგობარი” გახდა. ჩვენ ყველამ ერთად თითო ხე დავრგეთ.
ამ წამოწყებით გვინდა, ახალგაზრდებში მომავალ თაობაში, ეკოლოგიის პოპულარიზაცია მოვახდინოთ, „ეკო კლუბის“ გარშემო გავაერთიანოთ არა მარტო ახალგაზრდები, სრულიად ჩვენი საზოგადოება, განურჩევლად პროფესიისა. ეს საკითხი გვეხება აბსოლუტურად ყველას. იმედი გვაქვს, ეს წამოწყება იქნება გამაერთიანებელი და გარკვეულ შედეგს მოგვიტანს სამომავლოდ“, - განაცხადა ლაცაბიძემ.
ცნობისთვის, რუსთავში ,,ეკო კლუბი” შეიქმნა. საიტზე www.ecorustavi.ge ყველას შეეძლება გაწევრიანება, სადაც მითითებული იქნება კლუბის ფარგლებში განხორციელებული აქტივობები და სამომავლო გეგმები ბუნების დაცვის მიმართულებით. საიტის ერთ-ერთ მიზანს წარმოადგენს ჯანსაღი გარემოს ერთ-ერთი მთავარი კომპონენტის, ატმოსფერული ჰაერის ხარისხის აღდგენა