ოცზე მეტი პოლონელი ექიმი ბრიუსელში ნატოს შტაბბინის თანამშრომლების ასაცრელად ჩავა, - ამის შესახებ ინფორმაციას საინფორმაციო პორტალი EURACTIV-ი ავრცელებს.
გამოცემის ცნობით, ნატოს შტაბბინის 3 500 თანამშრომელს „ასტრაზენეკას“ ვაქცინით აცრიან.
პოლონეთის პრემიერ-მინისტრმა აღნიშნა, რომ ნატომ პოლონელი ექიმები ალიანსის შტაბბინაში ვაქცინაციის კამპანიის ჩასატარებლად ოფიციალურად მიიწვია.
EURACTIV-ი წერს, რომ ნატო-ს გენერალურმა მდივანმა იენს სტოლტენბერგმა პოლონეთს ნატო-ს შტაბბინაში ვაქცინაციის პროცესის განსახორციელებლად მზადყოფნის გამოხატვის გამო მადლობა გადაუხადა.
ნატოს შტაბბინის თანამშრომლების ვაქცინაციის კამპანია სამი დღის განმავლობაში გაგრძელდება.