მიხეილ სარჯველაძე - არ მგონია, რომ გიორგი გახარიას იმისგან გასხვავებული ხედვები ჩამოუყალიბდა, რაც მანამდე ქვეყანაში მისი მეთაურობით ხორციელდებოდა

არ მგონია, რომ გიორგი გახარიას მას შემდეგ, რაც ის პრემიერ-მინისტრი აღარ არის, იმისგან გასხვავებული ხედვები ჩამოუყალიბდა, რაც მანამდე ქვეყანაში მისი მეთაურობით ხორციელდებოდა, - ამის შესახებ ჟურნალისტებს უმრავლესობის წარმომადგენელმა მიხეილ სარჯველაძემ განუცხადა.

კითხვაზე, შესაძლებელია თუ არა, რომ გიორგი გახარიას უკან ბიძინა ივანიშვილი იდგეს, დეპუტატმა განაცხადა, რომ ამის არ სჯერა.

გიორგი გახარია იქნება თუ არა კონკურენტი “ქართული ოცნებისათვის“, ამის წინასწარ პროგნოზირებას მე ვერ გავაკეთებ. ეს დამოკიდებულია იმ კონკრეტულ ნაბიჯებზე, რასაც ის გადადგამს. რაც შეეხება იმას, თუ როგორ ესახება მას საქართველოს მომავალი, გიორგი გახარია ქვეყნის პრემიერ-მინისტრი იყო და ალბათ, სწორედ იმ მიმართულებით მიჰყავდა ქვეყანა, რაც მიაჩნია, რომ სწორი იყო. გახარიას კონკრეტული ნაბიჯებიდან გამოჩნდება, თუ რა არის მისი კონკრეტული გეგმა და ხედვა. მის მიერ გაცხადებული ხედვა, რომ აუცილებელია პოლარიზაციის დასრულება და ნაბიჯები გადასადგმელია ევროინტეგრაციის მიმართულებით, სწორი ღირებულებებია, მაგრამ შემდეგ ვინ როგორ ვემსახურებით ამ საქმეს, ეს არის სადისკუსიო საკითხი“, - განუცხადა ჟურნალისტებს მიხეილ სარჯველაძემ.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
ქართულ ბაზარზე ახალი ინოვაციური ბრენდი „მულტი“ შემოდის
BTU აბიტურიენტებისთვის და მაგისტრანტობის კანდიდატებისთვის მასშტაბურ პროექტს იწყებს