თამარ გაბუნია - რეგულაციები, რომელიც ბიზნეს-გარემოში ინფექციის კონტროლის მიზნებისთვის არის, გადახედვას არ ექვემდებარება, რადგან ეპიდემიურ რეჟიმში ცხოვრება კიდევ დიდხანს მოგვიწევს

რეგულაციები, რომელიც ბიზნეს-გარემოში ინფექციის კონტროლის მიზნებისთვის არის, გადახედვას არ ექვემდებარება, რადგან ეპიდემიურ რეჟიმში ცხოვრება კიდევ დიდხანს მოგვიწევს, - ამის შესახებ ჯანდაცვის მინისტრის მოადგილემ, თამარ გაბუნიამ ჟურნალისტებს განუცხადა, რითაც უპასუხა დასმულ შეკითხვას ბიზნეს-გარემოს მიმართ ვირუსის პრევენციის მიზნით დაწესებული რეგულაციების შემცირებასთან დაკავშირებით.

თამარ გაბუნიას განმარტებით, ბოლო პერიოდში ძალიან ბევრი შეზღუდვა მოიხსნა, შემდეგი შეზღუდვები კი, ეპიდემიოლოგიური სურათის მიხედვით მოიხსნება.

„რაც შეეხება იმ რეგულაციებს, რომელიც ბიზნეს-გარემოში ინფექციის კონტროლის მიზნებისთვის არის, გადახედვას არ ექვემდებარება, რადგან ეპიდემიურ რეჟიმში ცხოვრება კიდევ დიდხანს მოგვიწევს, სულ მცირე, დაახლოებით, წელიწადნახევარი მაინც. აქედან გამომდინარე, ბიზნეს-გარემოში ეს არის ის სტანდარტული რუტინა, რომელიც უნდა გავითვალისწინოთ. ამ შემთხვევაში, როდესაც ვსაუბრობთ, ზოგადად რეგულაციების მოხსნაზე, გარკვეული მოსაზრებებიდან გამომდინარე მცირე შეზღუდვები რჩება, რაც ისევ ეპიდემიოლოგიური მიზნებიდან გამომდინარეობს. ამდენად, აქ, ეტაპობრიობა და ეპიდემიური კონტროლი აუცილებლად შენარჩუნდება“, - განაცხადა თამარ გაბუნიამ.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს