კახა კახიშვილი - როდესაც ამბობ, არაფერს დავთმობო, ამას მოლაპარაკება არ ჰქვია, ჰქვია ულტიმატუმებით საუბარი - ორივე მხარემ უნდა დათმოს, რომ პოლიტიკური პროცესები გადავიდეს პარლამენტში

როდესაც შენ იძახი არაფერს არ დავთმობო - ამას მოლაპარაკება არ ჰქვია, ამას ჰქვია ულტიმატუმებით საუბარი - ორივე მხარემ უნდა დათმოს, რომ პოლიტიკური პროცესები გადავიდეს პარლამენტში, - ამის შესახებ საქართველოს საპარლამენტო უმრავლესობის წევრმა კახა კახიშვილმა “პალიტრანიუსის” გადაცემა “360 გრადუსში” განაცხადა.

მისივე თქმით, ოპოზიციის პარლამენტში შესვლით, ცხარე დებატები იქნება, უფრო მეტი რეაქცია და ცეცხლი იქნება.

დეპუტატის თქმით, სჯობს პარლამენტში მოგვარდეს საკითხები, ვიდრე ქუჩაში.

“მე ვფიქრობ, რომ ყველა გზა უნდა გამოინახოს, ერთი ქვეყნის შვილები ვართ და ყველანი ვფიქრობთ ამ ქვეყნის განვითარებაზე და უნდა გამოინახოს აუცილებლად კომპრომისები. კომპრომისები და მოლაპარაკებები რას ნიშნავს? მოლაპარაკებები ნიშნავს იმას, რომ რაღაც შენ უნდა დათმო აუცილებლად, რაღაც უნდა დათმოს შენმა ოპონენტმა, სხვა შემთხვევაში ამას უკვე მოლაპარაკება არ ჰქვია. როდესაც შენ იძახი არაფერს არ დავთმობ, ამას მოლაპარაკება არ ჰქვია, ამას ჰქვია ულტიმატუმებით საუბარი. ამიტომ ევროკავშირის ფუნქციაც და როლიც იმაშია დღეს, რომ აუცილებელია მოხდეს ყველანაირი პოლიტიკური პროცესის გადატანა პარლამენტში არა იმიტომ, რომ ეს აწყობს ევროკავშირს, არა იმიტომ, რომ ეს აწყობს “ქართულ ოცნებას”, არამედ ეს ქვეყანას სჭირდება.

ხომ ვხედავთ, როგორი ვითარებაა ჩვენს რეგიონში, როგორ მომენტალურად იცვლება გეოპოლიტიკური პროცესები ჩვენს ირგვლივ, ბუნებრივია, რომ ჩვენი არაგულშემატკივრების გეგმაში ჩვენ ვზივართ, როგორც ერთ-ერთი ცენტრალური წერტილი, ამიტომ საკუთარ ეგოებს და საკუთარ ამბიციებს არ უნდა გადავაყოლოთ ქვეყანა. ვსაუბრობ სრული პასუხისმგებლობით, რომ ორივე მხარემ უნდა დათმოს, რომ პოლიტიკური პროცესები გადავიდეს პარლამენტში, თუნდაც ცხარე იყოს დებატები და უფრო რთული პლენარული სხდომები იქნება, უფრო რთული საკომიტეტო მოსმენები იქნება, უფრო მეტი რეაქცია და ცეცხლი იქნება, მაგრამ ჯობია პარლამენტში მოგვარდეს ეს საკითხები ვიდრე ქუჩაში, სადაც შესაძლებელია, რომ ერთმა წკიპმა გახადოს უმართავი პროცესები”, - განაცხადა კახიშვილმა.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
ქართულ ბაზარზე ახალი ინოვაციური ბრენდი „მულტი“ შემოდის
BTU აბიტურიენტებისთვის და მაგისტრანტობის კანდიდატებისთვის მასშტაბურ პროექტს იწყებს