თამარ გაბუნია - ეპიდემიის ზრდის მაჩვენებელი მობილობასთან კავშირშია - ბოლო დროს ინფიცირების შემთხვევების მცირედი ზრდის ტენდენცია შეინიშნება

ბოლო დროის განმავლობაში, ვხედავთ, რომ შემთხვევების რაოდენობის მცირედი ზრდის ტენდენცია შეინიშნება, რაც მოულოდნელი არ იყო. ყველამ ვიცით, როგორ კავშირშია მობილობასთან ეპიდემიის ზრდის მაჩვენებელი, - ამის შესახებ ჯანდაცვის მინისტრის მოადგილემ, თამარ გაბუნიამ ქვეყანაში არსებულ ეპიდემიოლოგიურ ვითარებაზე საუბრისას განაცხადა.

მისივე თქმით, დღეს ჩვენთვის მთავარი დაცვის საშუალებად პირბადე და პირადი ჰიგიენის დაცვა რჩება.

„მოულოდნელი არ არის, რომ დაავადებათა კონტროლის ცენტრმა ბრიტანული შტამის 50-ზე მეტი შემთხვევა გამოავლინა და ამ მიმართულებით მუშაობა მიდის. ბოლო დროის განმავლობაში, ვხედავთ, რომ შემთხვევების რაოდენობის მცირედი ზრდის ტენდენცია შეინიშნება, რაც მოულოდნელი არ იყო, ყველამ ვიცით, როგორ კავშირშია მობილობასთან ეპიდემიის ზრდის მაჩვენებელი. გამოსავალი ისევ რჩება პირადი დაცვის მაჩვენებელი, რაც არ უნდა მარტივად ჟღერდეს, პირბადე დღეს ჩვენთვის მთავარი დაცვის საშუალებაა, ვაქცინა დაგვეხმარება, თუმცა დაგვეხმარება მოგვიანებით. დღევანდელ პირობებში მთავარია წესები დავიცვათ და შენარჩუნდეს მაქსიმალური უსაფრთხოება“, - აღნიშნა თამარ გაბუნიამ.

გაბუნიას განცხადებით, თუ სიტუაციის სერიოზული ესკალაცია მოხდება, წერტილოვან შეზღუდვებზე და რეგულაციების გამკაცრებაზეც შესაძლებელია საუბარი.

„თუ რეალურად მივიღეთ სერიოზული ესკალაცია, წერტილოვანი შეზღუდვები და რეგულაციის გამკაცრება ამის კონტროლის გზაა. ეს ჩვენთვის გავლილია და ამ მეთოდებზეც შეიძლება საუბარი. გამორიცხული არ არის, რომ თუ რომელიმე რეგიონში გამოიკვეთება სწრაფი ესკალაციის ნიშნები, იმ რეგიონში მოხდეს უფრო ადრე ის შეზღუდვები, რასაც ასეთ სიტუაციაში ვიყენებთ ხოლმე“, - განაცხადა თამარ გაბუნიამ.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო