"ბოლტ ფუდის" კურიერების აქციას სოლიდარობის ნიშნად „ვოლტისა" და "გლოვოს" კურიერებიც შეუერთდნენ

სპორტის სასახლესთან ”ბოლტ ფუდის” კურიერები საპროტესტო აქციას მართავენ. აღნიშნულ აქციას სოლიდარობის ნიშნად უერთდებიან ,,ვოლტისა” და ,,გლოვოს” კურიერებიც.

აქციის მონაწილეები დაბალ ტარიფებს და საბონუსე სისტემის გაუარესებას აპროტესტებენ. მათი მთავარი მოთხოვნა სამუშაო პირობების გაუმჯობესებაა. კურიერების ინფორმაციით, გუშინდელი აქცია ,,ბოლტის” ოფისთან გაიმართა, რის გამოც სამსახურიდან 25-მდე ადამიანი დაითხოვეს.

,,ყველაზე მთავარი პრობლემა რაც დღეს კურიერებს აქვთ არის პარტნიორული ხელშეკრულება, რომელიც ხელს უშლის კურიერსა და დამსაქმებელს შორის შრომით ურთიერთობას და იმ სარგებლების ქონას, რაც შრომის ურთიერთობას გააჩნია, მაგალითად, ანაზღაურებადი შვებულება, სამსახურიდან გათავისუფლების შემთხვევაში დასაბუთება ან სხვა.

გუშინ ეს ადამიანები იყვნენ „ბოლტის“ ოფისთან მისულები, აპროტესტებდნენ ტარიფების კლებას და ნაცვლად იმისა, რომ კომპანიას ამ პრობლემების მოგვარებაზე ეზრუნა, უნამუსო ნაბიჯი გადადგა და დაიწყო ამ ადამიანების გათავისუფლება სამსახურიდან. პროტესტიდან ერთ საათში 20-25 კურიერი იყო გათავისუფლებული”, - აღნიშნა აქციის მონაწილე თორნიკე ავსაჯანიშვილმა.

იხილეთ ვიდეო:"ბოლტ ფუდის" კურიერებმა საპროტესტო აქცია გამართეს

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა