ინდოეთმა „ასტრაზენეკას“ ვაქცინის ექსპორტი დროებით შეაჩერა

ინდოეთმა „ასტრაზენეკას“ კორონავირუსის საწინააღმდეგო ვაქცინის ექსპორტი შეაჩერა, - BBC-ის ინფორმაციით, ამის შესახებ გამოცემას ინდოეთის საგარეო საქმეთა სამინისტროში განუცხადეს.

მათი განმარტებით, ბოლო პერიოდში ქვეყანაში ინფიცირების მაჩვენებელი გაიზარდა, რის გამოც ინდოეთი ვაქცინაციის ტემპის დაჩქარებას გეგმავს, ეს კი ვაქცინაზე მოთხოვნის გაზრდას გამოიწვევს.

გასული დღის განმავლობაში ინდოეთში კორონავირუსის 47 000-ზე მეტი ახალი შემთხვევა დადასტურდა და 275 ადამიანი გარდაიცვალა. ქვეყანაში 1-ელი აპრილიდან 45 წლის ზემოთ ასაკის პირების ვაქცინაციის დაწყება იგეგმება, რაც იმას ნიშნავს, რომ ვაქცინაზე მოთხოვნა გაიზრდება. ინდოეთის მიერ ვაქცინის მიწოდება, შესაძლოა, აპრილის ბოლომდე შეფერხდეს.

BBC-ი წერს, რომ ვაქცინის ექსპორტის შეჩერებით ის 190 ქვეყანაც დაზარალდება, რომლებიც „ასტრაზენეკას“ ვაქცინას „კოვაქსის“ სქემის ფარგლებში იღებენ.

აღსანიშნავია, რომ რამდენიმე დღის წინ ვაქცინების უმსხვილესმა მწარმოებელმა „ინდოეთის სერუმის ინსტიტუტმა“ „ასტრაზენეკას“ ვაქცინის გაგზავნა გაერთიანებულ სამეფოში, ბრაზილიაში, საუდის არაბეთსა და მაროკოში ოთხი კვირით შეაჩერა.

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 19.04.2021
ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
დედამიწის დღე 2021: დედამიწის ეკოლოგიური მდგომარეობის აღდგენის უპრეცედენტო შესაძლებლობა
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა