იაპონიაში ოლიმპიური ჩირაღდნის ესტაფეტამ სტარტი ფუკუშიმას პრეფექურაში მდებარე J-Village-ის საწვრთნელი კომპლექსის ფეხბურთის სტადიონზე აიღო, - ამის შესახებ ინფორმაციას CNN-ი ავრცელებს. ცეცხლის 120-დღიანი მოგზაურობა იაპონიის საფეხბურთო ქალთა გუნდის წევრებმა დაიწყეს. აღნიშნული პერიოდის განმავლობაში ოლიმპიური ცეცხლს იაპონიაში 859 ადგილს მოატარებენ და საბოლოოდ, 23 ივლისს, ოლიმპიურ სტადიონზე მიიტანენ, სადაც ოლიმპიადის გახსნის ცერემონია გაიმართება.
ოლიმპიური ცეცხლის დანთების ცერემონია, რომელზეც, თავდაპირველად ათასობით გულშემატკივრის დასწრება იყო დაგეგმილი, მაყურებლის გარეშე ჩატარდა და მას მხოლოდ ადგილობრივი ხელისუფლებისა და ოლიმპიადის ორგანიზატორების მცირე ჯგუფი დაესწრო.
სიმბოლური იყო ოლიმპიური ჩირაღდნის ესტაფეტის ფუკუშიმას პრეფექტურაში დაწყებაც. ამ ნაბიჯით ხაზი გაესვა იმას, რომ რეგიონმა 2011 წელს ატომურ რეაქტორზე მომხდარი კატასტროფის შემდეგ აღდგენა შეძლო.
შეგახსენებთ, კორონავირუსის პანდემიის გამო ტოკიოს ოლიმპიური თამაშები, რომელიც გასულ წელს უნდა ჩატარებულიყო, 1 წლით გადაიდო.