27 წლის ექთნის მეგი ბაქრაძის ოჯახის ადვოკატები დღეს პროკურატურიდან საქმის მასალებს გამოითხოვენ

გარდაცვლილი 27 წლის ექთნის, მეგი ბაქრაძის ოჯახის ადვოკატები დღეს პროკურატურიდან საქმის მასალებს გამოითხოვენ.

როგორც „ინტერპრესნიუსთან“ საუბარში ოჯახის ადვოკატი ნინო ამაღლობელი აცხადებს, პროკურატურა ორი დღის განმავლობაში კონტაქტზე არ გამოდიოდა.

„დღეს მივდივართ, როგორც პროკურატურაში, ასევე გლდანი-ნაძალადევის პოლიციის მე-8 განყოფილებაში. ვაყენებთ შუამდგომლობებს და ასევე პროკურატურისგან ვითხოვთ საქმის მასალების სრულყოფილი სახით გადმოცემას, რაც ამ ეტაპზე სისხლის სამართლის საქმეზე მოპოვებული აქვთ. ორი დღეა პროკურატურა პირადად ჩემთან კონტაქტზე არ გამოდის, როგორც კი ვურეკავ, ტელეფონს მითიშავენ. დღეს, როგორც იქნა, მოვახერხეთ დაკავშირება“, - განაცხადა ამაღლობელმა.

ცნობისთვის, 27 წლის ექთანი მეგი ბაქრაძე, რომელსაც „ასტრაზენეკას“ ვაქცინის გაკეთების შემდეგ ანაფილაქსიური შოკი განუვითარდა, თსსუ-ს პირველ საუნივერსიტეტო კლინიკაში გარდაიცვალა.

მომხდართან დაკავშირებით გამოძიება სისხლის სამართლის კოდექსის 116-ე მუხლით მიმდინარეობს, რაც გაუფრთხილებლობით სიცოცხლის მოსპობას გულისხმობს.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
ქართულ ბაზარზე ახალი ინოვაციური ბრენდი „მულტი“ შემოდის
BTU აბიტურიენტებისთვის და მაგისტრანტობის კანდიდატებისთვის მასშტაბურ პროექტს იწყებს