თეა ახვლედიანი კავკასიაში უგზო-უკვლოდ დაკარგული პირების საკითხებში წითელი ჯვრის საერთაშორისო კომიტეტის დესპანს შეხვდა

შერიგებისა და სამოქალაქო თანასწორობის საკითხებში საქართველოს სახელმწიფო მინისტრმა, თეა ახვლედიანმა კავკასიაში უგზო-უკვლოდ დაკარგული პირების საკითხებში წითელი ჯვრის საერთაშორისო კომიტეტის (ICRC) დესპანთან, დანიელ მაქსვინთან შეხვედრა გამართა. სახელმწიფო მინისტრმა ხაზი გაუსვა საქართველოში უგზო-უკვლოდ დაკარგულთა მოძიების და მათი ოჯახების მხარდაჭერის პროგრამაში წითელი ჯვრის საერთაშორისო კომიტეტის, როგორც ნეიტრალური მედიატორის და ჰუმანიტარული მონაწილის,როლისა და აქტიური ჩართულობის მნიშვნელობას. ამის შესახებ ინფორმაციას სახელმწიფო მინისტრის აპარატი ავრცელებს.

სახელმწიფო მინისტრმა ყურადღება გაამახვილა უგზო-უკვლოდ დაკარგულთა მოძიების პროცესის განსაკუთრებულ მნიშვნელობაზე, როგორც გაუჩინარებულ პირთა ბედისა და ადგილსამყოფლის დადგენის, ისე ხელოვნურად დაშორებულ მოსახლეობას შორის ნდობის აღდგენის ხელშეწყობის თვალსაზრისით.

„მხარეებმა ვრცლად ისაუბრეს უგზო-უკვლოდ დაკარგულთა მოძიებისა და მათი ოჯახების დახმარების პროგრამის მიღწევებზე, აქტუალურ საკითხებსა და სამომავლო ხედვებზე. სახელმწიფო მინისტრი მიესალმა წითელი ჯვრის საერთაშორისო კომიტეტის ეგიდით შექმნილი ჰუმანიტარული საკოორდინაციო მექანიზმების ფარგლებში განხორციელებულ ძალისხმევას, რომლის შედეგად მოხერხდა 200-მდე უგზო-უკვლოდ დაკარგული პირის იდენტიფიცირება და ოჯახებისთვის გადაცემა. ამასთან, ხაზი გაესვა მოძიების პროცესის ეფექტურობის ერთობლივად, შემდგომი გაუმჯობესების საჭიროებას, რომ შეძლებისდაგვარად მაქსიმალურად მოხერხდეს გაურკვევლობაში მყოფი ოჯახების დახმარება. ამ მიმართულებით აღინიშნა, 2019 წელს შექმნილი უგზო-უკვლოდ დაკარგულ პირთა მოძიებისა და გადმოსვენების უწყებათაშორისი კომისია, რომელიც პროცესში ჩართულ უწყებებს შორის კოორდინაციის გაზრდას შეუწყობს ხელს. მხარეები მჭიდრო თანამშრომლობის გაგრძელებაზე შეთანხმდნენ“, -ნათქვამია გავრცელებულ ინფორმაციაში.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
ქართულ ბაზარზე ახალი ინოვაციური ბრენდი „მულტი“ შემოდის
BTU აბიტურიენტებისთვის და მაგისტრანტობის კანდიდატებისთვის მასშტაბურ პროექტს იწყებს