საგარეო საქმეთა სამინისტრომ გააკეთა ძალიან ნათელი განმარტება და დამატებით კომენტირებას არ საჭიროებს, - ასე გამოეხმაურა პრემიერ-მინისტრი ირაკლი ღარიბაშვილი ნატალი საბანაძის მიერ ევროკავშირში საქართველოს ელჩის პოსტის დატოვებას.

მისი თქმით, ელჩი საბანაძე ზაფხულში ისედაც აპირებდა გადადგომას.

„ინფორმაცია მოვისმინე საგარეო საქმეთა მინისტრისგან, რომ ელჩი ნატალია საბანაძე აპირებდა წასვლას ზაფხულში, მაგრამ მან უფრო დააჩქარა გადადგომა. ამის თაობაზე საგარეო საქმეთა სამინისტრომ გააკეთა ძალიან ნათელი განმარტება და დამატებით კომენტირებას არ საჭიროებს,“-განაცხადა ირაკლი ღარიბაშვილმა.

შეგახსენებთ, ბელგიის სამეფოსა და ლუქსემბურგის დიდ საჰერცოგოში საქართველოს ელჩმა, ნატალი საბანაძემ ევროკავშირში საქართველოს მისიის ხელმძღვანელის თანამდებობა 21 მარტს დატოვა. ამის შესახებ მან სოციალურ ქსელში დაწერა.