ეკონომიკისა და მდგრადი განვითარების მინისტრის, ნათია თურნავას განცხადებით, „ქართულ ოცნებას“ ოპოზიციასთან დიალოგზე უარი არასდროს უთქვამს.

როგორც მან ჟურნალისტებს განუცხადა, სასაცილოა, რომ ოპოზიციას იმ არჩევნების ხელმეორედ ჩატარება სურს, რომელიც ყველამ დემოკრატიულად შეაფასა.

„ჩვენ დიალოგზე უარი არასდროს გვითქვამს, რა თქმა უნდა, დიალოგი უნდა იყოს შედეგიანი და არ უნდა იყოს პრინციპების ხარჯზე. მაგალითად, „წითელი ხაზი“ არის ის, რომ არჩევნები, რომელიც მთელმა მსოფლიომ, ეუთო/ოდირმა, ჩვენმა მეგობრებმა აშშ-ში, ევროკავშირში ცნეს, როგორც ცალსახად წარმატებული, ერთ-ერთი ყველაზე უფრო დემოკრატიული არჩევნები, თავისუფალი, კონკურენტული, რატომღაც გადავხაზოთ, რადგან ოპოზიციურ პარტიებს შედეგები არ მოსწონთ და სურთ, ხელახლა ჩავატაროთ არჩევნები, რაც ნამდვილად სასაცილოა“,-განაცხადა თურნავამ.