არჩილ თალაკვაძის განცხადებით, ინდივიდუალური შეხვედრები „გირჩის“ გარდა სხვა პარტიებთანაც ჰქონდათ

რა აზრი აქვს ისეთ დემოკრატიას, სადაც თუ წაგებული პარტია იტყვის: „მე არ მომწონს ეს არჩევნები, უნდა ჩავატაროთ ახალი არჩევნები?!“ - ამის შესახებ საქართველოს პარლამენტის თავმჯდომარემ არჩილ თალაკვაძემ „პალიტრანიუსის“ გადაცემა „დღის ნიუსრუმში“ სტუმრობისას განაცხადა.

ის იმედოვნებს, რომ ოპოზიციის ჯანსაღი ნაწილი საერთაშორისო განცხადებების შემდეგ პრაგმატულ გადაწყვეტილებას მიიღებს.

„რა აზრი აქვს ასეთ დემოკრატიას და რა აზრი აქვს ისეთ სახელმწიფოს, სადაც ერთ ოპოზიციონერს შეუძლია თქვას, რომ ის სხვა მოქალაქეებზე მაღლა დგას, თავს დაესხას პარლამენტს, ცენტრალურ საარჩევნო კომისიას და მერე თქვას, რომ ვერც ჯარიმას გადაახდევინებენ, ვერც სასჯელს ვერ შეუფარდებს სახელმწიფო. მითხარით, რა აზრი აქვს ასეთ სახელმწიფოსა და ასეთ პოლიტიკურ სისტემას? ზუსტად ეს არის დემოკრატიის და არჩევნების მთავარი ძირგამომთხრელი მომენტები. თუ ეს მომენტები ოპოზიციის მხრიდან გამოირიცხება, შეთანხმება არის შესაძლებელი. იმედი, მაქვს რომ ოპოზიციის შედარებით ჯანსაღი ნაწილი მიიღებს პრაგმატულ გადაწყვეტილებას, მითუმეტეს, იმ საერთაშორისო განცხადებების შემდეგ, რაც ჩვენ როგორც ევროპაში, ასევე აშშ-ში მოვისმინეთ“, - განაცხადა თალაკვაძემ.

რაც შეეხება „გირჩს“ და სხვა პოლიტიკურ პარტიებთან კონსულტაციებს, თალაკვაძის თქმით, მმართველ გუნდი ინდივიდუალური კონსულტაციებისთვის ყოველთვის მზად იყო.

„გვქონდა კიდეც ასეთი ინდივიდუალური კონსულტაციები. იცით, რომ ორი პოლიტიკური პარტია ოპოზიციიდან არის პარლამენტში, „გირჩსაც“ აქვს სურვილი, რომ პარლამენტში იყოს წარმოდგენილი. მაქვს მოლოდინი და საფუძვლიანი მოლოდინი, რომ ამ მოლაპარაკებების შემდეგ, ჩვენ ვნახავთ უფრო მეტ ოპოზიციას პარლამენტში. ვფიქრობ, რომ ჯერ კიდევ გარეთ დარჩენილი ოპოზიციური პარტიები, გათავისუფლდებიან „ნაციონალური მოძრაობის“ პოლიტიკური შანტაჟისა და ტყვეობისგან. ნამდვილად არის შანსი მივიღოთ არამხოლოდ ბარიერთან დაკავშირებული საკონსტიტუციო ცვლილება, არამედ სხვა საკანონმდებლო ცვლილებები საარჩევნო კოდექსსა თუ სასამართლოსთან შესახებ კანონდებლობასთან დაკავშირებით. ჩვენ გვქონდა „გირჩის“ გარდა სხვა პარტიებთანაც ინდივიდუალური შეხვედრები. მომავალშიც მზადყოფნას ვაფიქსირებთ, განვაგრძოთ ასეთი კონსულტაციები. ეს კონსულტაციები იყო მოლაპარაკებების პროცესში. იმედი მაქვს, რომ მეორე რაუნდშიც ამის შესაძლებლობა იქნება“, - განაცხადა თალაკვაძემ.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 23.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
კახა ოქრიაშვილი - 2021 წელს 43%-იანი პლებისციტის დანიშვნა ნიშნავს იმას, რომ 2020 წლის საპარლამენტო არჩევნები არ დასრულებულა
ახალი სერვისი არააქტიური მოპოვების ლიცენზიის მფლობელებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“