არჩილ თალაკვაძე - ვენეციის კომისია თვლის, რომ ლოგიკა, რის გამოც კანონპროექტები შემუშავდა, სამართლიანია - გავაგრძელებთ მუშაობას და გადაწყვეტილებას მივიღებთ

პარლამენტის თავმჯდომარის არჩილ თალაკვაძის განცხადებით, ვენეციის კომისია იზიარებს საზოგადოების ლოგიკურ კითხვებს იმასთან დაკავშირებით, უნდა დააფინანსონ თუ არა მოქალაქეებმა ისეთი პარტიები, რომლებიც საპარლამენტო საქმიანობას არ ეწევიან.

მან „პალიტრანიუსის“ გადაცემაში „დღის ნიუსრუმი“ ვენეციისა და ეუთო-ს დასკვნებზე ისაუბრა და აღნიშნა, რომ ორივე საკითხთან მიმართებით სამართლიანი გადაწყვეტილების მიღებაში დარწმუნებულია.

“დაფინანსებასთან მიმართებით ვენეციის კომისიას ჩათვლილი აქვს, რომ ხელისუფლების მხრიდან საფუძვლიანი შენიშვნებია გამოთქმული. ლოგიკა, რის გამოც ეს პროექტები შემუშავდა, სამართლიანია. რაც შეეხება მისი გადაწყვეტის გზებს, ვენეციის კომისია გვეუბნება, რომ შესაძლოა პრობლემების ასეთი გადაწყვეტა ზუსტად არ იყოს მთლიანად პროპორციული, თუმცა, პრობლემებს ისინი ხედავენ და ეთანხმებიან. კიდევ ერთხელ მინდა ჩვენს საზოგადებას ვუთხრა, რატომ შემუშავდა ეს კანონები. პირველი, იმიტომ, რომ უცხო ქვეყნის მოქალაქე არ ჩაერიოს საქართველოს პოლიტიკურ პროცესში და არაფორმალურად ჩრდილოვანი მმართველობით არ მართოს პროცესი, არ შეუშალოს ხელი ჩვენი ქვეყნის ინტერესებს და მეორე, როდესაც პარტიები, დეპუტატები არ მონაწილეობენ პროცესში, საზოგადოებას ჰქონდა კითხვები, მაინც უნდა დააფინანსოს თუ არა მოქალაქეებმა ასეთი პარტიები. ამ ლოგიკას ეთანხმება და იზიარებს ვენეციის კომისია. გვეუბნება, რომ გადავხედოთ ნორმებს, რომლითაც ჩვენ ამ საკითხების დარეგულირება წარმოგვიდგენია. ამ პროექტებზე გავაგრძელებთ მუშაობას და ვფიქრობ, ორივე საკითხთან მიმართებით სამართლიან გადაწყვეტილებას მივიღებთ“,- განაცხადა თალაკვაძემ.

რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ქართული პრესის მიმოხილვა 21.10.2021
დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
LEXUS-ი წარმოგიდგენთ უახლეს ფლაგმან მოდელს LX 600
ჩაირთე „სილქფესტი“ და ისარგებლე ულიმიტო ინტერნეტით და სასაუბრო წუთებით უსასრულოდ, მთელი თვის განმავლობაში
„მიჰაუსში“ გრანდიოზული ფასდაკლება დაიწყო
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს
"ავერსსა" და "კავკასიის უნივერსიტეტს" შორის თანამშრომლობის მემორანდუმი გაფორმდა
ინვესტიცია გუდაურის ოპერირებად სასტუმროში
აზიის განვითარების ბანკმა საქართველოში საცხოვრებელი სახლების პროექტების მდგრადი განვითარებისთვის $10 მილიონიანი სესხი დაამტკიცა
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს