ჩინეთის მიზანი არ არის ჩაანაცვლოს შეერთებული შტატები, როგორც მსოფლიოს ლიდერი ქვეყანა, - CNN-ის ინფორმაციით, ამის შესახებ აშშ-ში ჩინეთის ელჩმა ცუეი თიენქაიმ განაცხადა.

„ჩვენი მიზანია დავაკმაყოფილოთ ჩინელი ხალხის მზარდი მისწრაფება უკეთესი ცხოვრებისკენ და არა ის, რომ შევეჯიბროთ რომელიმე ქვეყანას ან ჩავანაცვლოთ ის. ეს არასდროს ყოფილა ჩვენი ეროვნული სტრატეგია,“ - აღნიშნა ელჩმა.

ცნობისათვის, აშშ-ის პრეზიდენტმა ჯო ბაიდენმა თეთრ სახლში გამართულ პრესკონფერენციაზე განაცხადა, რომ ჩინეთის მიზანია, მსოფლიოს წამყვანი ქვეყანა გახდეს, თუმცა მისი პრეზიდენტობის დროს ჩინეთი ამ მიზანს ვერ მიაღწევს.

„ჩინეთის მიზანია, გახდეს მსოფლიოს წამყვანი ქვეყანა, მსოფლიოში ყველაზე მდიდარი ქვეყანა და მსოფლიოში ყველაზე ძლიერი ქვეყანა. ეს არ მოხდება, რადგან შეერთებული შტატები აპირებს გააგრძელოს ზრდა,“ - აღნიშნა ბაიდენმა.