დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, ამ დროისთვის კორონავირუსის ვაქცინის დოზების დანაკარგი 1%-ს შეადგენს.
როგორც მან განაცხადა, დაავადებათა კონტროლის ეროვნული ცენტრი ცდილობდა ვაქცინის დოზების დანაკარგი მინიმალური ყოფილიყო.
„4 200-მდე აცრილი ადამიანიდან, აქ ჯერ დანაკარგი გვაქვს 1%-ის ფარგლებში. რეგიონებში 4-5 ადამიანი მივიდა, მოგეხსენებათ, სოფლიდან ჩამოდის ადამიანი.
რეგიონებში რეზერვს ძირითადად დაავადებათა კონტროლის ეროვნული ცენტრი და საზოგადოებრივი ჯანდაცვის სამსახურები აკეთებდა.
დაავადებათა კონტროლის ეროვნულ ცენტრში 100-ზე მეტი თანამშრომელია აცრილი, არც ერთი წინასწარ არ დარეგისტირებულა, მუდმივი კონტაქტის რეჟიმში, სადაც რჩებოდა დანაკარგი, იქ მიდიოდნენ დავაადებათა კონტროლის ეროვნული ცენტრის წარმომადგენლები, რომ აცრილიყვნენ. ვცდილობდით, მინიმალური დანაკარგი ყოფილიყო“,- აცხადებს გამყრელიძე.