ეგვიპტეში მატარებლების შეჯახების შედეგად 32 ადამიანი დაიღუპა, 60-ზე მეტი კი დაშავდა
ეგვიპტის ქალაქ სოჰაგაში ერთმანეთს ორი მატარებელი შეეჯახა, რის შედეგადაც დაიღუპა სულ მცირე 32 და დაშავდა 60-ზე მეტი ადამიანი, - ამის შესახებ ინფორმაციას მედია საშუალებები ეგვიპტის ჯანდაცვის სამინისტროზე დაყრდნობით ავრცელებენ.
როგორც უწყების მიერ გავრცელებულ განცხადებაშია აღნიშნული, ადგილზე სასწრაფო სამედიცინო სამსახურის 36 მანქანა გააგზავნეს, რომლებმაც დაშავებულები საავადმყოფოები გადაიყვანეს.
მედიის ინფორმაციით, ეგვიპტის სარკინიგზო ქსელი ერთ – ერთი უძველესი და უდიდესია ჩრდილოეთ აფრიკაში და უბედური შემთხვევები ხშირად ხდება. ყველაზე მეტი მსხვერპლი 2002 წელს მომხდარ კატასტროფას მოჰყვა, როდესაც კაიროდან მიმავალ მატარებელს ხანძარი გაუჩნდა, რასაც 300 ადამიანის სიცოცხლე ემსხვერპლა.
