აზერბაიჯანში, ბოლო 24 საათის განმავლობაში, კორონავირუსის 1759 ახალი შემთხვევა გამოვლინდა და 24 ადამიანი გარდაიცვალა, - ამის შესახებ ინფორმაციას ადგილობრივი მედია ავრცელებს.

მათივე ინფორმაციით, აზერბაიჯანში პანდემიის დაწყების დროიდან ინფიცირების 252 680 შემთხვევაა დადასტურებული, დაღუპულია 3445 ადამიანი.

აზერბაიჯანის ხელისუფლების გადაწყვეტილებით, კორონავირუსის პანდემიასთან დაკავშირებული სპეციალური საკარანტინო რეჟიმი მიმდინარე წლის 1-ელ ივნისამდე გახანგრძლივდა. პორტალ Koronavirusinfo.az-ზე დღეს გამოქვეყნებული ინფორმაციის თანახმად, აზერბაიჯანში კორონავირუსის საწინააღმდეგო ვაქცინაცია ნახევარ მილიონზე მეტ ადამიანს ჩაუტარდა.