ინგლისის ქალაქ ბრისტოლში, სადაც ახალი კანონპროექტი გააპროტესტეს, რომელიც პოლიციას საპროტესტო აქციების შეზღუდვებისთვის დამატებით ძალაუფლებას ანიჭებს, სამართალდამცავებმა რამდენიმე ადამიანი დააკავეს. ადგილობრივი პოლიციის ინფორმაციით, დაკავება მას შემდეგ დაიწყო, რაც აქციამ ძალადობრივი ხასიათი მიიღო და მისმა მონაწილეებმა სამართალდამცავებს სხვადასხვა ნივთები, კვერცხები და მინის ბოთლები დაუშინეს.
„ჩვენ არ შევეგუებით ძალადობას და საზოგადოებრივი წესრიგის დარღვევას,” - განაცხადეს ადგილობრივ პოლიციაში.
ცნობისათვის, ქალაქ ბრისტოლის ცენტრში ათასობით დემონსტრანტი შეიკრიბა და მთავრობის მიერ ინიცირებული კანონპროექტი გააპროტესტა, რომელიც პოლიციას საპროტესტო აქციების შეზღუდვისთვის დამატებით უფლებამოსილებას ანიჭებს.