აშშ შეძრწუნებულია მიანმარში სამხედრო მმართველობის წინააღმდეგ გამართული აქციების დროს აქტივისტების მასობრივი მკვლელობით, - ამის შესახებ აშშ-ის სახელმწიფო მდივანმა ენტონი ბლინკენმა განაცხადა.

მისი თქმით, რეჟიმის შენარჩუნების მიზნით ადამიანების ხოცვა დაუშვებელია.

აშშ-ს გარდა შაბათს მიანმარში განვითარებულ მოვლენებს გაერთიანებული სამეფოს, იაპონიისა და ავსტრალიის ოფიციალური პირებიც ეხმაურებიან.

მიანმარში შაბათს გამართული საპროტესტო აქცია ყველაზე სისხლიანი აღმოჩნდა, რა დროსაც სამართალდამცავების მიერ მოკლულ აქტივისტთა რაოდენობა 91-მდე გაიზარდა. გავრცელებული ინფორმაციით, მიანმარში თებერვლის დასაწყისიდან მიმდინარე საპროტესტო აქციების დროს მინიმუმ 400 ადამიანია მოკლული.

იხილეთ ვიდეო:აშშ შეძრწუნებულია მიანმარში აქტივისტების მასობრივი მკვლელობით - ენტონი ბლინკენმა