ჩინეთის დედაქალაქ პეკინს ქვიშის ქარიშხალმა გადაუარა.
Reuters-ის ინფორმაციით, ეს ბოლო ათწლეულის განმავლობაში ყველაზე ძლიერი ქვიშის ქარიშხალი იყო, რომელიც ჩინეთში მოხდა.
ქარიშხლის გამო პეკინში ხილვადობა გართულდა, ქალაქის ქუჩები კი მტვრის სქელი ფენით დაიფარა.
სპეციალისტების მტკიცებით, ჰაერის დაბინძურებამ დასაშვებ ნორმას რამდენჯერმე გადააჭარბა.
ადგილობრივი ხელისუფლება დედაქალაქის მცხოვრებლებს სახლში დარჩენისკენ მოუწოდებს. სინოპტიკოსების მტკიცებით, ქვიშის ქარიშხალი მონღოლეთის უდაბნოში წარმოიქმნა და ძლიერი ქარის მეშვეობით პეკინამდე მიაღწია.
იხილეთ ვიდეო:პეკინს ქვიშის ქარიშხალმა გადაურა