ერევანში, პარლამენტის შენობასთან „მოძრაობა სამშობლოს გადარჩენისთვის“ ორგანიზებით მიტინგი დაიწყო, რომლის მონაწილეები ქვეყნის პრემიერ - მინისტრის ნიკოლ ფაშინიანის გადადგომას მოითხოვენ.
„იმის მიუხედავად, რომ ჩვენ მიტინგზე აღარ ვიკრიბებოდით, მოღალატე ნიკოლ ფაშინიანის წინააღმდეგ ბრძოლა არცერთი წუთით არ გაჩერებულა და ამის მიზეზია ის, რომ ადამიანმა, რომელიც პრემიერის სავარძელს იკავებს, ხალხთან ერთად ვერ აღნიშნა ბზობის კვირა“, - განაცხადა აქციის ერთ-ერთმა ორგანიზატორმა გეღამ მანუკიანმა.
სომხეთში პოლიტიკური კრიზისი თებერვლიდან გრძელდება მას შემდეგ, რაც გენერალური შტაბის უკვე ყოფილმა ხელმძღვანელმა ონიკ გასპარიანმა, უმაღლესმა სამეთაურო შემადგენლობამ ნიკოლ ფაშინიანის გადადგომა მოითხოვა.