უკრაინაში კორონავირუსის საწინააღმდეგო ვაქცინის პირველი დოზა, საერთო ჯამში, 198 465 ადამიანს გაუკეთდა, - ამის შესახებ ინფორმაციას ადგილობრივი მედია ქვეყნის ჯანდაცვის მინისტრ მაქსიმ სტეპანოვზე დაყრდნობით ავრცელებს.

„უკრაინაში გასული დღის განმავლობაში კორონავირუსის საწინააღმდეგო ვაქცინაცია 1 585 ადამიანს ჩაუტარდა. საერთო ჯამში კი ვაქცინის პირველი დოზა 198 465 მოქალაქეს გაუკეთდა,“- განაცხადა ჯანდაცვის მინისტრმა.

ცნობისათვის, უკრაინაში კოვიდ 19-ის საწინააღმდეგო ვაქცინაციის კამპანია 24 თებერვალს დაიწყო. ამჟამად ვაქცინაცია „ასტრაზენეკას“ ვაქცინით მიმდინარეობს.