„ქართული ოცნების“ პოლიტიკური საბჭოს წევრებს შორის კომუნიკაცია და შესაბამისი კონსულტაციები უკვე შედგა. ამის შესახებ „ინტერპრესნიუსს“ „ქართული ოცნების“ პრესსამსახურიდან აცნობეს.
მათივე ცნობით, კონსულტაციები დისტანციურ რეჟიმში შედგა.
ცნობისთვის, მედიატორ კრისტიან დანიელსონთან შეხვედრის შემდეგ "ქართული ოცნების" თავმჯდომარემ ირაკლი კობახიძემ განაცხადა, რომ დანიელსონის წინადადებებს გუნდთან ერთად განიხილავდა.
"ჩვენ გარკვეულ საკითხებზე პოზიცია უკვე დავაფიქსირეთ, გარკვეულ საკითხებზე დღეს მოგვიანებით, მომდევნო შეხვედრისას დავაფიქსირებთ პოზიციას. გვექნება დამატებითი განხილვა, მათ შორის, პოლიტსაბჭოს ფორმატში და იქ დამატებით შევჯერდებით პოზიციებზე", - განაცხადა კობახიძემ დანიელსონთან შეხვედრის შემდეგ.