ადვოკატი - ვინმე ბესიკ ბოგველმა გამოთქვა მზადყოფნა ნიკა მელიას გირაოს თანხა, 40 000 ლარი გადაიხადოს - დიდი ალბათობით, საქმე გვაქვს ხელისუფლების მიერ დადგმულ სპექტაკლთან

"ნაციონალური მოძრაობის" თავმჯდომარის ნიკა მელიას ადვოკატის გიორგი კონდახიშვილის განცხადებით, ნიკა მელიასთვის გირაოს გადახდის სურვილი "ფსიქოლოგთა განვითარების კვლევითი ცენტრის" ხელმძღვანელმა ბესიკ ბოგველმა გამოთქვა, რაც ხელისუფლების დადგმული სპექტაკლია.

ამის შესახებ მან დღეს გამართულ ბრიფინგზე განაცხადა.

ამასთან, როგორც ადვოკატი აცხადებს, ნიკა მელიას აქვს სასამართლოს მიერ შეფარდებული აღკვეთის ღონისძიება პატიმრობა, რითაც 3 ნოემბრის გადაწყვეტილება, გირაო, არის ანულირებული.

"დღეს, 29 მარტს, პარტია "ერთიან ნაციონალურ მოძრაობაში" მიღებულ იქნა "ფსიქოლოგთა განვითარების კვლევითი ცენტრის" ხელმძღვანელის, ვინმე, ბესიკ ბოგველის გადმოგზავნილი წერილი. წერილის შინაარსიდან გამომდინარე, ჩვენთვის ცნობილი გახდა, რომ აღნიშნულმა ორგანიზაციამ და პირადად, ბოგველმა ოფიციალურად მიმართა პროკურატურას და გამოთქვა მზადყოფნა ნიკა მელიას მიმართ გამოყენებული გირაოს თანხა, 40 ათასი ლარის ოდენობით, გადაიხადოს. მინდა ნიკა მელიას პოზიცია დავაფიქსირო, რომ აღნიშნული არის აბსოლუტურად მიუღებელი, მეტიც, დიდი ალბათობით, საქმე გვაქვს ხელისუფლების მიერ დადგმულ სპექტკალთან. მინდა საზოგადოების საყურადღებოდ განვმარტო, ბოლო ერთი თვის განმავლობაში, როგორც პროკურატურა, ასევე "ქართული ოცნების" ხელმძღვანელობა საზოგადოებაში ავრცელებენ მესიჯს, რომ ნიკა მელიას შეუძლია ნებისმიერ დროს გადაიხადოს გირაო და გათავისუფლდეს პატიმრობიდან. ეს არის ტყუილი და ხელისუფლების მიერ გამოყენებული პროპაგანდა, განსაკუთრებით, უცხოელი პარტნიორების გასაგონად. მინდა ერთმნიშვნელოვნად განვაცხადო, რომ დღეის მდგომარეობით, ნიკა მელიას აქვს სასამართლოს მიერ შეფარდებული აღკვეთის ღონისძიება დაპატიმრება, რომელი გადაწყვეტილებითაც 3 ნოემბერს გამოტანილი გადაწყვეტილება გირაო, არის ანულირებული. შეუძლებელია ნებისმიერი პირის და ისევე, როგორც დიდი სურვილის არსებობის შემთხვევაში, ნიკა მელიას მხრიდან, გირაოს გადახდა როგორც ტექნიკური, ასევე სამართლებრივი საფუძველით. ნიკა მელიას შეფარდებული აქვს დაპატიმრება. პირდაპირ ვსვამ კითხვას - როდესაც თქვენ აცხადებთ, რომ ნიკა მელიას შეუძლია გადაიხადოს გირაო და გათავისუფლდეს იმავე წუთას საპატიმროდან, გთხოვთ, მიგვითითოთ, რომელი გადაწყვეტილების საფუძველზე უნდა გაკეთდეს, რამდენი უნდა გადაიხადოს?", - განაცხადა გიორგი კონდახიშვილმა.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა