ზურაბ ჯაფარიძე - ვიდრე ჩვენი მეგობრების პოზიცია იქნება ასეთი - დიპლომატიური ენა და მოზომილი გზავნილები, მანამდე „ქართული ოცნება“ არ დათმობს არაფერს

ჩემი აზრით, ჩვენს მეგობრებს, მათ შორის დღევანდელი მოლაპარაკებების პროცესშიც, უჭირავთ მცდარი პოზიცია, როდესაც პასუხისმგებლობას აკისრებენ ორივე მხარეს და ორივე მხარეს მოუწოდებენ კომპრომისისკენ. არ მესმის, რომელ კომპრომისზეა საუბარი, როდესაც საუბარია სასამართლოს დამოუკიდებლობაზე ან არჩევნების ჩატარებაზე, - ამის შესახებ „გირჩი - მეტი თავისუფლებას“ ლიდერმა, ზურაბ ჯაფარიძემ კრისტიან დანიელსონის მედიაციით გამართულ ოპოზიციისა და ხელისუფლების შეხვედრის დასრულების შემდეგ განაცხადა.

მისივე თქმით, სამწუხარო რეალობაა, როდესაც შეთანხმება ვერ შედგა, თუმცა მთელი პასუხისმგებლობა არის ხელისუფლებაზე.

„არ დაუჯეროთ არაფერს, რაც „ქართული ოცნების“ წარმომადგენლებმა თქვეს. მოლაპარაკებების პროცესი ამჯერადაც იგივე სცენარით წარიმართა, როდესაც ბატონმა დანიელსონმა დაგვტოვა. შეთანხმების ტექსტთან დაკავშირებით ოპოზიციას ჰქონდა პრინციპული პოზიცია, ორ საკითხზე - ხელახალ არჩევნებზე და პოლიტპატიმრებზე. ამის გარდა, იყო სამი საკითხი, რომელზეც „ქართული ოცნება“ არ თანხმდებოდა. მომლაპარაკებლებმა ისევ ვერ შეძლეს ისეთი ტექსტის დადება, რომელზეც „ქართული ოცნება“ იტყოდა, რომ აწერდნენ ხელს. სამწუხარო რეალობაა, მაგრამ მთელი პასუხისმგებლობა არის ხელისუფლებაზე.

არ მესმის, რომელ კომპრომისზეა საუბარი, როდესაც საუბარია სასამართლოს დამოუკიდებლობაზე ან არჩევნების ჩატარებაზე, ან არის სასამართლო დამოუკიდებელი ან არის ბიძინასი, მანდ კომპრომისი სად გადის? ვიდრე ჩვენი მეგობრების პოზიცია იქნება ასეთი - დიპლომატიური ენა და მოზომილი გზავნილები, მანამდე „ქართული ოცნება“ არ დათმობს არაფერს“, - აღნიშნა ზურაბ ჯაფარიძემ.

ჯაფარიძის შეფასებით, სამი საკითხიდან, რომელზეც ოპოზიცია თანხმდებოდა, არცერთი არ არის პრინციპულად მნიშვნელოვანი და არ სჯერა, რომ „იქ დაწერილი ტექსტებით რაიმე შეიძლება შეიცვალოს მართლმსაჯულების სისტემაში“.

„ჩემი აზრით, სამ საკითხზე, რომელზეც ოპოზიცია თანხმდებოდა, არცერთი არ არის პრინციპულად მნიშვნელოვანი. არ მჯერა, რომ იქ დაწერილი ტექსტებით რაიმე შეიძლება შეიცვალოს მართლმსაჯულების სისტემაში. ძალაუფლების დანაწილების ნაწილიც ჩემთვის საინტერესო არ არის. კომპრომისის გამო, თვალს ვხუჭავდი და ვამბობდი, რომ ვაწერ ხელს. ჩემთვის პრინციპული საკითხი იყო საარჩევნო სისტემასთან დაკავშირებით. მოყოლებული პირველი რაუნდებიდან ვითხოვდი სრულად პროპორციულ არჩევნებს ბარიერის გარეშე და ვერ მივაღწიე, რომ ასეთი ტექსტი ჩაწერილიყო. მაგრამ, მზად ვიყავი, რომ ამაზე თვალი დამეხუჭა“, - განაცხადა ზურაბ ჯაფარიძემ.

კითხვაზე, რატომ არ იყო ნახსენები გიორგი რურუა შეთანხმების დოკუმენტში, ზურაბ ჯაფარიძემ განაცხადა, რომ დასავლელი პარტნიორები „ქართულ ოცნებას უთმობენ“.

„იმიტომ არ წერია, რომ უთმობენ „ოცნებას“, ვიდრე ასეთი მოზომილი პოზიციით არიან, ივანიშვილი არ დათმობს არაფერს, იმას ესმის მარტო ძალის ენა და ამას ვეუბნები ჩვენს მეგობრებს პირშიც, როდესაც ვსაუბრობთ. მათ ღიად უნდა უთხრან „ქართულ ოცნებას“, რომ ასეთი კრიზისის დროს ერთადერთი გამოსავალი არის ვადამდელი არჩევნები“, - განაცხადა ზურაბ ჯაფარიძემ.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს