ესტონეთის მთავრობის გადაწყვეტილებით, კორონავირუსის გამო დაწესებული შეზღუდვები 2 კვირით, 25 აპრილამდე გახანგრძლივდა. ამას გარდა ქვეყანაში ლატვიიდან, ლიეტუვიდან და ფინეთიდან ჩასული პირებისთვის 10-დღიანი კარანტინის გავლა სავალდებულო გახდა.
ესტონეთის მთავრობამ პანდემიის შეჩერების მიზნით სპორტული დარბაზების, არააუცილებელი მაღაზიებისა და რესტორნების დროებით დახურვის გადაწყვეტილება მიიღო. რესტორნებს შესაძლებლბა აქვთ მხოლოდ გატანის სერვისით გააგრძელონ მუშაობა.
პანდემიის გავრცელებიდან დღემდე ესტონეთში კორონავირუსის 105 416 დადასტურებული შემთხვევაა გამოვლენილი, ვირუსს 896 ადამიანი ემსხვერპლა.