აშშ 13 ქვეყანასთან ერთად ჩინეთის მთავრობის მიერ კორონავირუსის წარმოშობის შესახებ ინფორმაციაზე წვდომის შეზღუდვასთან დაკავშირებით შეშფოთებას გამოთქვამს.

ავსტრალიის, კანადის, ჩეხეთის, დანიის, ესტონეთის, ისრაელის, იაპონიის, ლატვიის, ლიეტუვას, ნორვეგის, კორეის რესპუბლიკის, სლოვენიის, ბრიტანეთისა და აშშ-ის ხელისუფლებები ჩინეთისგან უფრო გამჭვირვალე გამოძიების ჩატარებას ითხოვენ.

Reuters-ის ინფორმაციით, საუბარია ჯანდაცვის მსოფლიო ორგანიზაციის მოხსენებაზე, რომელიც არ არის სრულყოფილი, რადგან ჩინეთის მთავრობამ ჯანმოს ექპერტებს ვირუსის ადრეული შემთხვევების შესახებ ინფორმაცია არ მიაწოდა. შეგახსენებთ, ჯანდაცვის მსოფლიო ორგანიზაციამ (WHO) კორონავირუსის წარმოშობის თაობაზე მისი ექსპერტთა ჯგუფის მიერ ჩინეთის ქალაქ უხანში ჩატარებული მოკვლევის შესახებ ანგარიში გამოაქვეყნა. ჯგუფი ჩინეთში მიმდინარე წლის იანვარ-თებერვლის პერიოდში იმყოფებოდა.