საბერძნეთში, გასული დღის განმავლობაში, კორონავირუსის 4 340 ახალი შემთხვევა გამოვლინდა, რაც რეკორდულად მაღალი დღიური მაჩვენებელია, - ამის შესახებ ინფორმაციას Reuters-ი ავრცელებს.

„მაჩვენებელი მაღალია, მაგრამ ეს დიდწილად განპირობებულია კორონავირუსზე ჩატარებული ტესტირების რაოდენობის თითქმის გაორმაგებით,“- აცხადებენ საბერძნეთის ჯანდაცვის უწყებაში.

ბოლო მონაცემებით, ქვეყანაში დაინფიცირებულების საერთო რაოდენობა 260 077-მდე გაიზარდა, დაღუპულთა რიცხვმა კი 8 0170-ს მიაღწია. ამასთან, გაიზარდა ჰოსპიტალიზებული კოვიდპაციენტების რაოდენობაც.

Reuters-ის ინფორმაციით, რეანიმაციული განყოფილებები გადატვირთვის ზღვარზეა. შეგახსენებთ, საბერძნეთში ტურიზმის სეზონის გახსნა 14 მაისს იგეგმება.