საქართველომ და მთელმა მსოფლიომ დაკარგა ქართული ხალხური სიმღერის ლეგენდა, ანსამბლების "რუსთავი" და "მართვე" დამაარსებელი, ანზორ ერქომაიშვილი, - ამის შესახებ საქართველოში აშშ-ის საელჩოს მიერ გავრცელებულ სამძიმრის წერილშია ნათქვამი.
აშშ-ის საელჩო განცხადებაში აღნიშნავს, რომ მისი სახელი და მემკვიდრეობა სამუდამოდ გააგრძელებს ცხოვრებას.
„ერქომაიშვილების ოჯახი სამი საუკუნის განმავლობაში ემსახურებოდა ქართულ ფოლკლორს. მისი სახელი და მემკვიდრეობა სამუდამოდ გააგრძელებს ცხოვრებას.
ბატონო ანზორი, საელჩოს პარტნიორებს შორის, ერთ-ერთი პირველი იყო კულტურული მემკვიდრეობის დაცვის სფეროში, როდესაც, ჯერ კიდევ 2001 წელს, ჩვენ დავაფინანსეთ პროექტი, რომელიც განახორციელა ანსამბლმა "რუსთავი" და ბატონმა კარლ ლინიჩმა. პროექტი ეხებოდა 1928 წლიდან მეორე მსოფლიო ომამდე პერიოდში განადგურების საფრთხის ქვეშ მყოფი ქართული ფოლკლორული სიმღერების ჩანაწერების დაცვას. მაშინ როდესაც, საელჩომ დაახლოებით 2 მილიონი აშშ დოლარის ღირებულების 20 პროექტი განახორციელა, ჩვენ სიამოვნებით ვიხსენებთ თანამშრომლობას ბატონ ანზორთან და გულწრფელ თანაგრძნობას ვუცხადებთ მის ოჯახსა და მეგობრებს“,- ნათქვამია ინფორმაციაში.