დავით მათიკაშვილი - ჩვენ არ ვართ კონკრეტულ პიროვნებებზე დამოკიდებული სამთავრობო საქმიანობის არცერთი მიმართულებით

ჩვენ არ ვართ კონკრეტულ პიროვნებებზე დამოკიდებული სამთავრობო საქმიანობის არცერთი მიმართულებით, ეს არის ერთიანი გუნდი, დამოუკიდებელი ინსტიტუციები, რომლებიც ახორციელებენ მათზე დაკისრებულ ვალდებულებას,- ამის შესახებ უმრავლესობის წევრმა დავით მათიკაშვილმა ივანე მაჭავარიანის ფინანსთა მინისტრის თანამდებობიდან გადადგომასთან დაკავშირებით განაცხადა.

როგორც მათიკაშვილმა ჟურნალისტებს განუცხადა, ირაკლი ღარიბაშვილის მინისტრთა კაბინეტის საქმიანობა პასუხია იმ გამოწვევებზე, რაც ქვეყანაში პანდემიის გამო დადგა.

„გვქონდა ძალიან აქტიური სამუშაო პროცესი ბევრ საკითხთან მიმართებით. იყო ცხარე კამათებიც, კონკრეტული გადაწყვეტილებებიც, ანუ, აქტიური მუშა პროცესი მისი მინისტრობის პერიოდში. მიზეზებზე, თვითონ ისაუბრებს.

კარგად ხედავთ ბატონი ღარიბაშვილის კაბინეტის საქმიანობას ეკონომიკური მიმართულებით - ეს არის პასუხი იმ გამოწვევებზე, რომელიც პანდემიის გამო დადგა ქვეყანაში. ფართოდ გაშლილი საქმიანობაა ინვესტორთა მოძიების კუთხით, სახელმწიფო საკუთრებაში არსებული ქონების პრივატიზაციასთან დაკავშირებით, რომელმაც დამატებით უნდა განახორციელოს თანხების მობილიზება ბიუჯეტში“,- განაცხადა მათიკაშვილმა.

ცნობისთვის, ფინანსთა მინისტრი ივანე მაჭავარიანი თანამდებობას ტოვებს. შესაბამის განცხადებას მაჭავარიანი სოციალურ ქსელში აქვეყნებს.

მაჭავარიანი არ ასახელებს თანამდებობის დატოვების მიზეზს, მაგრამ განმარტავს, რომ პოსტიდან წასვლას ჯერ კიდევ გასული წლის ბოლოს გეგმავდა, თუმცა გამომდინარე იქიდან, რომ წინ იყო კრიზისული ბიუჯეტის დამტკიცების პროცედურა, ასევე, მნიშვნელოვანი მოლაპარაკებები საერთაშორისო სავალუტო ფონდთან პროგრამის დასრულების თაობაზე, გადაწყვეტილება რამდენიმე თვით გადადო.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა