ანსამბლ „რუსთავის“ დამაარსებელს, ანზორ ერქომაიშვილს 3 აპრილს დაკრძალავენ. როგორც „ინტერპრესნიუსს“ ანსამბლ „რუსთავიდან“ აცნობეს, დაკრძალვასთან დაკავშირებით დამატებითი ინფორმაცია 1-ელ აპრილს გახდება ცნობილი.

მათივე ინფორმაციით, ანზორ ერქომაიშვილს ხვალ საქართველოს პატრიარქის ილია მეორეს კურთხევით ბინიდან სამების საკათედრო ტაძარში გადაასვენებენ, სადაც სამოქალაქო პანაშვიდები 1-ელ და 2 აპრილს 15:00 საათიდან გაიმართება.

ცნობისთვის, ანსამბლ „რუსთავის“ დამაარსებელი ანზორ ერქომაიშვილი 31 მარტს გარდაიცვალა. ანზორ ერქომაიშვილი კორონავირუსის დიაგნოზით თბილისის საუნივერსიტეტო კლინიკაში იყო მოთავსებული. ის მართვით სუნთქვაზე იმყოფებოდა.