აშშ-ში, კალიფორნიის შტატის ქალაქ ორინჯში მომხდარი სროლის შედეგად ოთხი ადამიანი დაიღუპა, ორი კი - დაშავდა, - ამის შესახებ ინფორმაციას ადგილობრივი მედია ავრცელებს.
KNBC-TV-ის ცნობით, სროლა ბიზნეს ცენტრში მოხდა და დაღუპულებს შორის ბავშვიცაა.
გავრცელებული ინფორმაციით, დაშავებულია თავად ეჭვმიტანილიც, რომელიც სამართალდამცავებმა დააკავეს.
აღნიშნული შემთხვევა აშშ-ში ბოლო ორი კვირის განმავლობაში მომხდარი მესამე მასობრივი სროლაა, რომელიც მსხვერპლით დასრულდა.
16 მარტს შეიარაღებულმა პირმა ატლანტაში, სამ სპა ცენტრში 8 ადამიანი მოკლა. 22 მარტს კი შეიარაღებულმა მამაკაცმა ცეცხლი კოლორადოს ერთ-ერთ სუპერმარკეტში გახსნა, რასაც 10 ადამიანი ემსხვერპლა.