Bloomberg - აშშ-ში კორონავირუსის საწინააღმდეგო ვაქცინების 150 მილიონზე მეტი დოზა გაკეთდა, მოსახლეობის 75%-ის ვაქცინაციას საშუალოდ კიდევ 4 თვე დასჭირდება
კორონავირუსის საწინააღმდეგო ვაქცინაცია მსოფლიოს 141 ქვეყანაში მიმდინარეობს და ამ დროისთვის გლობალურად ვაქცინების 590 მილიონზე მეტი დოზაა გამოყენებული, - შესაბამის მონაცემებს გამოცემა Bloomberg-ი ავრცელებს.
პლატფორმის მიხედვით, ამ დროისთვის ვაქცინაცია პლანეტის მოსახლეობის 3.9%-ს ჩაუტარდა. ამავე მონაცემების თანახმად, მსოფლიოში ვაქცინაცია ყოველდღიურად დაახლოებით 15.3 მილიონამდე ადამიანს უტარდება. ვაქცინების ყველაზე მეტი - 150 მილიონი დოზა აშშ-შია გამოყენებული. გამოცემის მიხედვით, ერთ დღეში აშშ-ში საშუალოდ ვაქცინაცია 2.8 მილიონ ადამიანს უტარდება. მოსახლეობის 75%-ის ვაქცინაციას საშუალოდ კიდევ 4 თვე დასჭირდება.
ამასთან, ჩინეთში ვაქცინაცია 116 მილიონზე მეტ ადამიანს ჩაუტარდა, ევროკავშირში 72 მილიონს, ინდოეთში კი 64 მილიონი ადამიანი აიცრა.
Bloomberg-ის ინფორმაციით, ისრაელში ვაქცინაცია ყველაზე სწრაფი ტემპით მიმდინარეობს, სადაც მოსახლეობის 52.8%-მა ვაქცინის ორივე დოზა მიიღო. აშშ-ში კი ვაქცინის ორივე დოზა მოსახლეობის 16.4%-მა მიიღო. ისრაელსა და აშშ-ს ჩილე და მაროკო მოჰყვებიან.
