სერგეი გავრილოვი პოზნერთან დაკავშირებულ პროტესტზე  - ეს რადიკალური ოპოზიციის პოლიტიკური დემარში და შეგნებული პროვოკაციაა

რუსი ტელეწამყვანის ვლადიმერ პოზნერის ჩამოსვლის წინააღმდეგ თბილისში გამართული საპროტესტო აქციები რადიკალური ქართული ოპოზიციის პოლიტიკურ დემარშსა და შეგნებულ პროვოკაციას წარმოადგენს, - ამის შესახებ რუსმა დეპუტატმა სერგეი გავრილოვმა სააგენტო TASS-ს განუცხადა.

„პოზნერის ფიგურა შემთხვევით არ შეურჩევიათ, რადგან ის რუსეთში ფართოდ არის ცნობილი, პოპულარობით სარგებლობს ინტელიგენციაში. ეს შეგნებული პროვოკაციაა, რომელიც დარტყმას აყენებს საქართველოს, როგორც სტუმართმოყვარე ქვეყანის იმიჯს. ეს რადიკალური ოპოზიციის მცდელობაა აჩვენონ ყველა ტურისტს, რომ საქართველოში ჩასვლა არ შეიძლება. ეს „მიზანმიმართული სროლაა" ეკონომიკის შესასუსტებლად", - აღნიშნა გავრილოვმა.

მისი თქმით, პოზნერის ვიზიტი მოწმობს, რომ ქართველ ხალხს, სამოქალაქო საზოგადოებას და "რაციონალურად მოაზროვნე" საქართველოს ხელმძღვანელობას სურს რუსეთთან კარგი ურთიერთობების აღდგენა. ”მაგრამ აგრესიული რადიკალური უმცირესობა, რომელიც დასავლური წრეების იარაღია, აშანტაჟებს ხელისუფლებას პროვოკაციების მოწყობით, რათა რუსეთ-საქართველოს ურთიერთობები შეწყვეტილი დარჩეს,“- აღნიშნა გავრილოვმა.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა