სტამბოლში თურქეთის უსაფრთხოების ძალებმა ე.წ. ისლამურ სახელმწიფოსთან კავშირში ეჭვმიტანილი 12 პირი დააკავეს, - ამის შესახებ ინფორმაციას თურქული მედია ავრცელებს.

მათივე ინფორმაციით, კონტრტერორისტულმა სამსახურმა დაადგინა, რომ ეჭვმიტანილები კონფლიქტის ზონებში მყოფ ტერორისტებს თანხებს ურიცხავდნენ.

სპეცოპერაცია სტამბოლის 8 უბანში 12 სხვადასხვა ლოკაციაზე ერთდროულად ჩატარდა. სამართალდამცველებმა 12 ეჭვმიტანილი დააკავეს და ციფრული და ორგანიზაციული დოკუმენტები ამოიღეს.

ცნობისათვის, თურქეთმა დაეში/ ისლამური სახელმწიფო ტერორისტულ დაჯგუფებად 2013 წელს აღიარა.