მარია ზახაროვა - გრიბოედოვის ძეგლის შეურაცხყოფა და პოზნერის წინააღმდეგ პროვოკაცია არის ექსტრემისტული ძალების მცდელობა, გაართულონ რუსულ-ქართული ურთიერთობების ნორმალიზება

მოსკოვი თვლის, რომ თბილისში გრიბოედოვის ძეგლის შეურაცხყოფა და ცნობილი რუსი ჟურნალისტის ვლადიმერ პოზნერის წინააღმდეგ განხორციელებული პროვოკაცია ერთი ჯაჭვის რგოლებს წარმოადგენს, - რუსული მედიის ინფორმაციით, შესაბამისი განცხადება რუსეთის საგარეო საქმეთა სამინისტროს პრესსპიკერმა მარია ზახაროვამ გააკეთა.

მისი თქმით, ამ ქმედებების მიზანია რუსულ-ქართული ურთიერთობების ნორმალიზების პროცესისთვის ზიანის მიყენება.

„ჩვენ ამ ქმედებებში ვხედავთ საქართველოში არსებული ექსტრემისტული ძალების მცდელობას, რომ გაართულონ რუსულ-ქართული ურთიერთობების ნორმალიზების პროცესი”, - განაცხადა ზახაროვამ.

მისივე თქმით, ვანდალიზმის გამართლება არანაირი მოტივით არ შეიძლება.

„ცივილიზებულ საზოგადოებაში ასეთი ქმედება იწვევს შეცბუნებასა და დაგმობას. ამგვარი მოქმედებები კიდევ უფრო მიუღებელია იმ შემთხვევაში, თუ მხედველობაში მივიღებთ თავად გრიბოედოვის პიროვნულ მნიშვნელობას როგორც რუსეთის, ასევე საქართველოს ისტორიაში”, – განაცხადა ზახაროვამ.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს