აშშ-ის კაპიტოლიუმის კომპლექსზე ავტომობილით განხორციელებულ თავდასხმას სამართალდამცავის სიცოცხლე ემსხვერპლა, - ამის შესახებ ინფორმაციას BBC-ი ავრცელებს.

გამოცემის ცნობით, შეჯახების შედეგად დაშავებული კიდევ ერთი პოლიციელი საავადმყოფოშია გადაყვანილი.

ინციდენტი ადგილობრივი დროით დაახლოებით 13:00 საათზე მოხდა. ლურჯმა სედანმა უსაფრთხოების ბარიერი გაარღვია და ორ პოლიციელს შეეჯახა, რის შემდეგაც დანით შეიარაღებული მძღოლი ავტომობილიდან გადმოვიდა და პოლიციელებისკენ გაემართა. სამართალდამცველებმა მას ცეცხლი გაუხსნეს. გავრცელებული ინფორმაციით, თავდამსხმელი ლიკვიდირებულია.

დაღუპული პოლიციელი, უილიამ ევანსი კაპიტოლიუმის პოლიციაში 18 წლის განმავლობაში მსახურობდა.

თავდასხმას აშშ-ის პრეზიდენტი ჯო ბაიდენი გამოეხმაურა და განაცხადა, რომ „ძალადობრივი თავდასხმის შესახებ ინფორმაციით გულგატეხილია.“ მან დაღუპული პოლიციელის ოჯახს მიუსამძიმრა. პრეზიდენტმა ასევე აღნიშნა, რომ თეთრ სახლზე დროშების დაშვების განკარგულება გასცა.

იხილეთ ვიდეო:აშშ-ის კაპიტოლიუმის კომპლექსზე განხორციელებულ თავდასხმას სამართალდამცავის სიცოცხლე ემსხვერპლა