უკრაინაში კორონავირუსის 20 341 ახალი შემთხვევა გამოვლინდა, რაც რეკორდულად მაღალი მაჩვენებელია
უკრაინაში, გასული დღე-ღამის განმავლობაში, კორონავირუსის 20 341 ახალი შემთხვევა გამოვლინდა, რაც რეკორდულად მაღალი დღიური მაჩვენებელია ქვეყნისთვის პანდემიის დაწყების დროიდან, - ამის შესახებ ინფორმაციას ადგილობრივი მედია ქვეყნის ჯანდაცვის სამინისტროზე დაყრდნობით ავრცელებს.
მათივე ინფორმაციით, დაინფიცირებულებს შორის 809 ბავშვი და ჯანდაცვის 473 მუშაკია.
ამასთან, ბოლო 24 საათის განმავლობაში 5 186 პაციენტის ჰოსპიტალიზაცია გახდა საჭირო.
რაც შეეხება ფატალურ შემთხვევებს, გასული დღე-ღამის განმავლობაში ვირუსს კიდევ 396 ადამიანის სიცოცხლე ემსხვერპლა.
ბოლო მონაცემებით, პანდემიის დაწყების დროიდან უკრაინაში კოვიდ 19-ით ინფიცირების 1 731 971 შემთხვევაა დადასტურებული, დაღუპულია 34 075 და გამოჯანმრთელებულია 1 342 536 ადამიანი.
