განათლებისა და მეცნიერების მინისტრი მიხეილ ჩხენკელი სრულიად საქართველოს კლასიკოსის, თანამედროვეობის ერთ-ერთი უდიდესი ქართველი შემოქმედის გურამ დოჩანაშვილის გარდაცვალებას უსამძიმრებს.

როგორც ჩხენკელი აღნიშნავს, გურამ დოჩანაშვილის სახით ქართულმა მწერლობამ დაკარგა შემოქმედი, რომელიც გამორჩეული იყო თავისი მოკრძალებით.

„სიკეთე, შეუპოვარი ბრძოლა და თავისუფლებისკენ სწრაფვა, გურამ დოჩანაშვილის შემოქმედების ამოსავალი წერტილი იყო. მან მთელი ეპოქა შექმნა, რომელსაც მსოფლიო მოჰყავს განცვიფრებაში. გურამ დოჩანაშვილის სახით ქართულმა მწერლობამ დაკარგა შემოქმედი, რომელიც გამორჩეული იყო თავისი მოკრძალებით.

კიდევ ერთხელ ვუსამძიმრებ მის ოჯახს, ახლობლებსა და სრულიად საქართველოს”,- აცხადებს ჩხენკელი.