საფრანგეთი ირანს მოუწოდებს, აშშ-სთან არაპირდაპირი მოლაპარაკებების დროს კონსტრუქციული პოზიცია გამოიჩინოს

საფრანგეთი ირანს მოუწოდებს 2015 წლის ბირთვულ შეთანხმებასთან დაკავშირებით შეერთებულ შტატებთან არაპირდაპირი მოლაპარაკებისას კონსტრუქციული პოზიცია გამოიჩინოს.

„ირანს მოვუწოდე გამოიჩინოს კონსტრუქციულობა დისკუსიების დროს, რომლის მიზანია, უახლოეს კვირებში განისაზღვროს ნაბიჯები, რაც საჭიროა ბირთვული შეთანხმების სრული დაცვისთვის,“- განაცხადა საფრანგეთის საგარეო საქმეთა მინისტრმა ჟან-ივ ლე დრიანმა.

შეგახსენებთ, ირანმა და შეერთებულმა შტატებმა პარასკევს განაცხადეს, რომ ისინი მომავალი კვირის სამშაბათს ვენაში არაპირდაპირ მოლაპარაკებებს გამართავენ, რომლის მიზანი 2015 წელს ირანსა და ექვს ქვეყანას შორის (გაერთიანებული სამეფო, გერმანია, ჩინეთი, რუსეთი, აშშ და საფრანგეთი) გაფორმებული ბირთვული შეთანხმების განახლებაა. 2018 წელს აშშ-ის ყოფილმა პრეზიდენტმა დონალდ ტრამპმა ხელშეკრულება დატოვა და ირანს სანქციები დაუწესა. ამ ნაბიჯის შემდეგ თეირანმა ხელშეკრულების პირობების დარღვევა დაიწყო.

აშშ-ის ამჟამინდელ პრეზიდენტს ჯო ბაიდენს ხელშეკრულების განახლების სურვილი აქვს, თუმცა ვაშინგტონსა და თეირანს უთანხმოება აქვთ იმასთან დაკავშირებით, თუ ვინ გადადგამს პირველ ნაბიჯს. ვაშინგტონში აცხადებენ, რომ ირანმა ხელშეკრულებით გათვალისწინებული პირობები უნდა შეასრულოს, თეირანი კი პასუხობს, რომ პირველ რიგში აშშ-მა ირანის წინააღმდეგ დაწესებული სანქციები უნდა გააუქმოს.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა