ეგზიტპოლების თანახმად, ბულგარეთში ჩატარებულ საპარლამენტო არჩევნებში ქვეყნის პრემიერ-მინისტრის, ბოიკო ბორისოვის, მემარჯვენე პარტია „მოქალაქეები ბულგარეთის ევროპული განვითარებისთვის“ იმარჯვებს, - ამის შესახებ ინფორმაციას Reuters-ი ავრცელებს.
წინასწარი მონაცემებით, პრემიერის პარტიას ხმა ამომრჩევლების დაახლოებით 25.2%-მა მისცა, ტელეწამყვანის, სლავი ტრიფონოვის, „სოციალისტურ” პარტიას - 17-17.5%-მა.
პარტიამ „მოძრაობა უფლებებისა და თავისუფლებისთვის“ ხმების დაახლოებით 10%-ი მიიღო, “დემოკრატიულმა ბულგარეთმა“ - 10-11%-ი, პარტიამ - „ადექი! მაფია გარეთ!“ - 5%-ი, ბორისოვის პარტიის კოალიციურმა პარტნიორმა, ბულგარეთის ნაციონალურმა პარტია VMRO-მ კი, სავარაუდოდ, პარლამენტში შესვლისთვის საჭირო 4%-იანი ბარიერი გადალახა.
ეგზიტპოლების მონაცემების თანახმად, ბოიკო ბორისოვს კოალიციური მთავრობის შესაქმნელად მოლაპარაკებების გამართვა დასჭირდება.
ბულგარეთში საპარლამენტო არჩევნები გუშინ გაიმართა. ქვეყანაში 12 000-ზე მეტი უბანი დილიდან გაიხსნა, ხმის მიცემის უფლება 6.7 მილიონ ადამიანს ჰქონდა. არჩევნებში მონაწილეობა 22 პოლიტიკურმა პარტიამ, 8 კოალიციამ და რამდენიმე დამოუკიდებელმა კანდიდატმა მიიღო.
იხილეთ ვიდეო:ბულგარეთის საპარლამენტო არჩევნებში პრემიერ ბოიკო ბორისოვის პარტია იმარჯვებს