უკრაინის პრეზიდენტმა ვლადიმერ ზელენსკიმ ხელი მოაწერა განკარგულებას, რომლის თანახმადაც, ქვეყნის ზრდასრული მოსახლეობის უმრავლესობის ვაქცინაცია მიმდინარე წლის ბოლომდე უნდა განხორციელდეს,- ამის შესახებ ინფორმაციას უკრაინული მედია პრეზიდენტის პრესსამსახურზე დაყრდნობით ავრცელებს.
მათივე ინფორმაციით, პრეზიდენტის მიერ ხელმოწერის შედეგად ძალაში შედის უკრაინის ეროვნული უსაფრთხოების და თავდაცვის საბჭოს 2021 წლის 2 აპრილის გადაწყვეტილება კოვიდ 19-ის წინააღმდეგ ვაქცინაციის ეროვნული გეგმის შესახებ.
უკრაინის მთავრობამ შვიდი დღის განმავლობაში უნდა უზრუნველყოს კოვიდ 19-ის ვაქცინაციის ეროვნული გეგმის შემუშავება და დამტკიცება საუკეთესო საერთაშორისო პრაქტიკის გათვალისწინებით.
ცნობისათვის, უკრაინაში პანდემიის დაწყების დროიდან, კორონავირუსის 1.7 მილიონზე მეტი შემთხვევაა დადასტურებული, დაღუპულთა რაოდენობა კი 34 333-ია.