ამირან გამყრელიძე - თუ არ გვინდა, რომ შევიდეთ მესამე ტალღაში და ქვეყანაში გამეორდეს ნოემბერი და დეკემბერი, უნდა დავიცვათ რეკომენდაციები

თუ არ გვინდა, რომ მესამე ტალღაში შევიდეთ და გამეორდეს ნოემბერი და დეკემბერი ქვეყანაში, გავითავისოთ, რომ უნდა დავიცვათ რეკომენდაციები და კიდევ უფრო ინტენსიური უნდა გავხადოთ აცრა, - ამის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ განაცხადა.

მისივე ინფორმაციით, რეგიონებში ახალი კლასტერების ჩამოყალიბება კვლავ დიდ თავშეყრებს - ქორწილებსა და ქელეხებს უკავშირდება. როგორც გამყრელიძემ აღნიშნა, მიუხედავად იმისა, რომ მსგავსი თავშეყრები დადგენილებით არის შეზღუდული, მოსახლეობა ამას მაინც არ ერიდება. მისივე ინფორმაციით, ამ მოცემულობის გათვალისწინებით, ქვეყანაში უკანასკნელი 20 დღის განმავლობაში ეპიდსიტუაციის გაუარესება შეინიშნება.

„ბოლო ორი კვირის, 20 დღის განმავლობაში შეიმჩნევა ქვეყანაში ეპიდსიტუაციის გაუარესების დინამიკა. ამ დინამიკას არ აქვს ნახტომისებური სახე, ნელ-ნელა იმატებს ეპიდსიტუაციისთვის დამახასიათებელი ყველა ინდიკატორი. მხედველობაში მაქვს ახალი შემთხვევების რაოდენობა 100 ათას მოსახლეზე ანუ ინციდენტობა, რეპროდუქციის ინდექსი 20 დღეა ერთს სცილდება ზემოთ, დადებითობის ბოლო ერთი კვირის მაჩვენებელი ასცილდა 2-ს, ასევე, შეიმჩნევა ზრდის დინამიკა აქტიური შემთხვევების. ეს არის დაახლოებით ისეთი სურათი, რომელიც ჩვენ გვქონდა გასული ოქტომბრის დასაწყისში. ამიტომ, ყველაფერი უნდა გაკეთდეს, გამოვიყენოთ ის გამოცდილება, რაც გვქონდა და პრევენცია გავაკეთოთ ეპიდსიტუაციის შემდგომი გაუარესებისა. პირბადის ტარების მაჩვენებელი ჩამოვარდნილი იყო 75%-დან 43%-ზე, ბოლო მონაცემით, გვაქვს 51%, მაგრამ ცოტაა ეს, უნდა ავიდეთ, სულ მცირე, 75-80%-ზე და საუკეთესო შემთხვევაში 90%-ზე, რომ ვიყოთ შედარებით მშვიდად.

რამდენიმე ადგილზე ჩვენ გვაქვს უკვე კლასტერული გავრცელება, შიდა ქართლში გვაქვს ეს, სამეგრელოში, გვაქვს გურიაში, ყველაფერი ეს დაიწყო ისევ და ისევ დიდი თავშეყრებისგან, დაკავშირებულია ქელეხებთან და დაკავშირებულია დიდ ქორწილებთან, ამიტომ ისევ და ისევ მოწოდება, რომ როგორმე თავი შევიკავოთ, ეს ისედაც დადგენილებით შეზღუდულია, მაგრამ მოსახლეობა სამწუხაროდ არ მიყვება ამ შეზღუდვებს,“ - განაცხადა გამყრელიძემ.

იხილეთ ვიდეო:ამირან გამყრელიძე - თუ არ გვინდა, რომ შევიდეთ მესამე ტალღაში და ქვეყანაში გამეორდეს ნოემბერი და დეკემბერი, უნდა დავიცვათ რეკომენდაციები

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 23.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
კახა ოქრიაშვილი - 2021 წელს 43%-იანი პლებისციტის დანიშვნა ნიშნავს იმას, რომ 2020 წლის საპარლამენტო არჩევნები არ დასრულებულა
„ლუტეცია ჯგუფი“ ვახტანგ ფხაკაძის სახელობის საქველმოქმედო ფონდს აარსებს
ახალი სერვისი არააქტიური მოპოვების ლიცენზიის მფლობელებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“