ისრაელის პრეზიდენტი პოლიტიკური პარტიების ლიდერებთან მთავრობის ჩამოყალიბების საკითხზე კონსულტაციებს იწყებს

ისრაელის პრეზიდენტი რეუვენ რივლინი პოლიტიკური პარტიების ლიდერებთან კოალიციური მთავრობის ფორმირების საკითხზე, მათთვის სასურველ კანდიდატთან დაკავშირებით, კონსულტაციებს იწყებს, - ამის შესახებ ინფორმაციას ადგილობრივი მედია ავრცელებს.

მათივე ინფორმაციით, რივლენი დღის განმავლობაში იმ 13-ვე პარტიის წარმომადგენელს შეხვდება, რომლებმაც გასულ თვეში გამართული საპარლამენტო არჩევნების დროს „ქნესეთში“ მანდატები მოიპოვეს.

კონსულტაციების შედეგად, ისრაელის პრეზიდენტი ერთ-ერთ კანონმდებელს სამთავრობო კოალიციის შექმნას დაავალებს.

შეგახსენებთ, 23 მარტს ისრაელში გამართული საპარლამენტო არჩევნების შედეგად პრემიერ-მინისტრ ბენიამინ ნეთანიაჰუს პარტია „ლიკუდმა“ ქვეყნის 120-ადგილიან პარლამენტში უმრავლესობის მოსაპოვებლად საკმარისი რაოდენობის მანდატების მიღება ვერ შეძლო.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა