ჯანდაცვის მინისტრის მოადგილის, თამარ გაბუნიას ინფორმაციით, იმუნიზაციის საბჭო იმ დამატებითი ჯგუფის განსაზღვრაზე იმსჯელებს, რომელსაც ვაქცინაციის პროცესში ჩართვა შეეძლება.
თამარ გაბუნიას თქმით, დაკვირდებიან, თუ როგორი იქნება მოსახლეობის ჩართულობა ვაქცინაციის პროცესში.
„დღეიდან დაიწყო 55 წლის ზემოთ მოქალაქეების ვაქცინაცია. ჩვენ დავაკვირდებით როგორი იქნება აქტივობა იმ დოზებზე, რაც ქვეყანაში არსებობს.
თუ არ მოიმატა აქტივობამ და გაფართოვების შესაძლებლობა იყო, ამაზე საბჭო მსჯელობს, ამ კვირაშიც იგეგმება ასეთი მსჯელობა და გაფართოვდება შემდეგ ასაკობრივ ჯგუფზე“,-აცხადებს თამარ გაბუნია.