კორონავირუსის საწინააღმდეგო ვაქცინაცია მსოფლიოს 151 ქვეყანაში მიმდინარეობს და ამ დროისთვის გლობალურად ვაქცინების 658 მილიონზე მეტი დოზაა გამოყენებული, - შესაბამის მონაცემებს გამოცემა Bloomberg-ი ავრცელებს.

პლატფორმის მიხედვით, მსოფლიოში ვაქცინაცია ყოველდღიურად, საშუალოდ, 16.5 მილიონამდე ადამიანს უტარდება.

ვაქცინების ყველაზე მეტი - 165 მილიონი დოზა აშშ-შია გამოყენებული. ქვეყანაში დღეში საშუალოდ 3 მილიონი ვაქცინა კეთდება, მოსახლეობის 75%-ის 2 დოზით აცრას კი დაახლოებით 3 თვე დასჭირდება.

ჩინეთში ვაქცინაცია 136 მილიონზე მეტ ადამიანს ჩაუტარდა, ევროკავშირში 79 მილიონს, ინდოეთში კი 75 მილიონზე მეტი ადამიანი აიცრა. Bloomberg-ის ინფორმაციით, ისრაელში ვაქცინაცია ყველაზე სწრაფი ტემპით მიმდინარეობს, სადაც მოსახლეობის 53.2% ვაქცინის ორივე დოზით აიცრა. აშშ-ში კი ვაქცინის ორივე დოზა მოსახლეობის 18.5%-მა მიიღო. ვაქცინაციის სწრაფი ტემპით მათ ჩილე, მაროკო, გერთიანებული სამეფო და თურქეთი მოჰყვებიან.

იხილეთ ვიდეო:Bloomberg - ამ დროისთვის მსოფლიოს 151 ქვეყანაში ვაქცინების 658 მილიონზე მეტი დოზაა გამოყენებული, დღეში საშუალოდ 16.5 მილიონი ადამაინი იცრება